| ជាបទចម្រៀងមួយប្រភេទដែលយើងទាំងអស់គ្នា ភាគច្រើនបានស្តាប់និងអ្នកខ្លះធ្លាប់បានច្រៀងទៀតផង ។ បទនេះជាស្នាព្រះហស្ថរបស់សម្តេចព្រះសង្ឃរាជ ជួន ណាត (១៨៨៣ – ១៩៦៩) ។ ជាធម្មតា បទនេះត្រូវបានចាក់ ផ្សាយនៅតាមវិទ្យុពេលព្រឹកៗក៏ដោយជាត្រូវបានសិស្សា នុសិស្សច្រៀងយ៉ាងទ្រហឹងអឺងកងលាន់ឮសូរយ៉ាងពិរោះ រណ្តំពេញទីធ្លាសាលានៅពេលគោរពទង់ជាតិ ។ |
បទពង្សាវតារខ្មែរ
១. ខ្មែរអើយ ចូរចាំជាក់ថាតាមសាវតារ ជាតិខេមរា ធ្លាប់តែថ្កើង ទឹកដីខ្មែរធំ ទូលំទូលាយ សព្វសាយរុងរឿងគេឯង តែងលើកតម្កើង តម្កល់ជាតិយើងចាត់ទុកឡើងជាជាតិច្បង ។
២. អារ្យធម៌ ខ្ពង់ខ្ពស់ឆើតឆាយ បានចេញផ្សព្វផ្សាយ គ្រប់ទិសទាំងឡាយ ចុងបូព៌ា
សាសនាសិល្បៈ ចម្លាក់វិចិត្រ គំនិតសិក្សាតន្ត្រីទស្សនវិជ្ជា ព្រះពុទ្ធសាសនា
ជាគោលការណ៍ខ្មែរផ្សាយទៅ ។
៣. ខ្មែរអើយ ចូរស្ដាប់សាវតារ ដែលបានចរចា បញ្ជាក់ប្រាប់ថា ពូជខ្មែរថ្កើង
តាំងចិត្តឲ្យមាំ ខិតខំប្រឹងវេញ បញ្ចេញតម្កើងតម្លៃនៃជាតិខ្មែរយើង ឲ្យបានរុងរឿង
ជាថ្មីឡើងតាមសាវតារ ។
អត្ថន័យ
មានលក្ខណះជាតិនិយមដោយបានទូន្មានយើងគ្រប់គ្នាឲ្យយល់ដឹងពីសាវតារ និងវប្ប ធម៌ដ៏រុងរឿងរបស់យើងកាលពីសម័យមហានគរដែលបានផ្សព្វផ្សាយរហូតដល់ចុងបូព៌ា។ បទនេះក៏បង្កប់មនោសញ្ចេតនាស្នេហាជាតិបណ្តុះគំនិតជាតិនិយមនិងបង្ហាញពី មោទនភាពដែលបានកើតមកជាកូនខ្មែររស់នៅលើទឹកដីអាណាចក្រខ្មែរ ។ ជាងនេះ ទៅទៀតបទចម្រៀងនេះក៏បានដាស់សតិកូនខ្មែរ គ្រប់រូបឲ្យងើបឡើង តាំងចិត្តឲ្យ មុតមាំដើម្បីថែរក្សានិងលើកតម្កើនវប្បធម៌ជាតិខ្លួនឲ្យ រុងរឿងដូចសម័យមហានគរ។ ជាធម្មតាបទនេះត្រូវបានចាក់ផ្សាយនៅតាមវិទ្យុនៅ ពេលព្រឹកៗ ក៏ដោយជាត្រូវបាន សិស្សានុសិស្សច្រៀងយ៉ាងទ្រហឹងអឺងកង លាន់ឮសូរ យ៉ាងពិរោះរណ្តំពេញទីធ្លា សាលានៅពេលគោរពទង់ជាតិ ។
ថ្មគោលស្រមោលស្នេហ៍ 
Comments on: "ពង្សាតារខ្មែរ" (1)
សូមថ្លែងអំណរគុណដល់ប្រិយមិត្តទាំងអស់គ្នាដែលបានចូលមកទស្សនា និងគាំទ្រដល់គេហទំព័ររបស់ខ្ញុំបាទ ។ ខ្ញុំសូមលើកម្រាមដៃដប់ប្រណមប្រសិទ្ធិពរបវរសួស្ដីជូនដល់ប្រិយមិត្ត
ទាំងអស់ឲ្យជួបប្រទះតែសំណាងល្អគ្រប់ៗប្រាណ!!!!!!!